7 лютага адбылося ўрачыстае адкрыццё Казлоўшчынскай гарпасялковай бальніцы. На ім прысутнічалі намеснік старшыні Гродзенскага аблвыканкама М. М. Бірукова, старшыня Дзятлаўскага райвыканкама В. В. Грытчанка, генеральны дырэктар “Гроднааблсельбуда” У. А. Несцераў. З такой доўгачаканай падзеяй, як адкрыццё бальніцы, жыхароў гарпасёлка павіншавала Марыя Міхайлаўна Бірукова. У сваім выступленні намеснік старшыні аблвыканкама засяродзіла ўвагу на тых мерапрыемствах, якія праводзяцца ў вобласці па выкананню нацыянальнай праграмы дэмаграфічнай бяспекі. Напрыканцы выступлення Марыя Міхайлаўна пажадала жыхарам гарпасёлка здароўя, даўгалецця. Ад імя кіраўніцтва аблвыканкама ў падарунак новай бальніцы быў уручаны тэлевізар.
Са словамі віншавання да жыхароў гарпасёлка звярнуўся і галоўны ўрач Казлоўшчынскай гарпасялковай бальніцы В. В. Сцяпура. У сваім выступленні Вікенцій Вікенцьевіч выказаў удзячнасць кіраўніцтву аблвыканкама, райвыканкама за дапамогу у будаўніцтве такой патрэбнай установы. Ён зазначыў, што новая бальніца аснашчана сучасным медыцынскім абсталяваннем. Гэта і рэнтгенапарат, стаматалагічная ўстаноўка, фізіятэрапеўтычнае абсталяванне. Словы падзякі прагучалі і ад жыхароў гарпасёлка – дэпутата пасялковага Савета дэпутатаў С. І. Жыльцовай, загадчыцы гарпасялковай бібліятэкі Г. А. Нічыпаровіч, былога старшыні Казлоўшчынскага пассавета В.В. Марука. Ва ўрачыстай абстаноўцы чырвоную стужку перад уваходам у новы будынак бальніцы перарэзалі М. М. Бірукова і В. В. Грытчанка. Па традыцыі памяшканне асвяцілі прадстаўнікі праваслаўнага і каталіцкага духавенства – айцец Георгій і ксёндз Павел. На пытанне, якое ўражанне ад новай бальніцы, жыхары гарпасёлка адказвалі: “Вельмі падабаецца!” Усюды хораша, светла. Створаны ўсе ўмовы дзеля таго, каб пацыенты , урачы адчувалі сябе ўтульна і камфортна”. Былая старшыня пасялковага Савета Таіса Нікіфараўна Рэгіневіч зазначыла, што новая бальніца – сапраўдны падарунак для жыхароў гарпасёлка. Бальніца атрымалася прыгожая і ўтульная”. А. ДУБРОЎСКАЯ. Фота Б. ВАРНЫ. По материалам газеты "Перамога"
|