Новости Дятлово

Дарожныя ўмовы аказваюць значнае ўздзеянне на рэжым і бяспеку руху, як асобных аўтамабіляў, так і ўсяго патоку транспартных сродкаў. Вялікая роля ў забеспячэнні бяспекі руху належыць асноўным тэхніка-эксплуатацыйным паказчыкам аўтамабільных дарог. Да ліку такіх паказчыкаў адносяцца: геаметрычныя памеры землянога палатна, праезнай часткі; шырыня і стан абочын; роўнасць і шурпатасць пакрыцця; бачнасць на крывых у плане і прадольным профілі; асветленасць небяспечных участкаў дарогі ў цёмны час сутак; наяўнасць сродкаў арганізацыі дарожнага руху; дарожнай інфраструктуры; адпаведнасць сістэмы рэгулявання фактычнай інтэнсіўнасці руху аўтамабіляў і пешаходаў. Акрамя таго, участкі са зношаным і адрамантаваным пакрыццём мяняюцца даволі часта. На якасць пакрыцця па-рознаму ўздзейнічаюць і ўмовы надвор'я. Істотна пагаршаецца стан дарог у зімовы перыяд з-за галалёду, ападкаў, туману, высокай вільготнасці, выпарэння. Вадзіцель павінен уважліва назіраць за змяненнем стану пакрыцця.

Так, у перыяд правядзення навагодніх і калядных святочных мерапрыемстваў дзяржаўтаінспекцыя Дзятлаўскага РАУС была перавеДзена на ўзмоцнены варыянт нясення службы. Супрацоўнікі дзяржаўтаінспекцыі правялі шэраг прафілактычных мерапрыемстваў, накіраваных на арганізацыю дарожнай бяспекі.
На жаль, не ўсе вадзіцелі прынялі да ўвагі рэкамендацыі ДАІ, што прывяло да чарговай аварыі. 3 студзеня вадзіцель легкавога аўтамабіля пры руху па дарозе ва ўмовах снегападу не справіўся з кіраваннем, выехаў на абочыну і наехаў на пешахода. У выніку наезду пешаход атрымаў цялесныя пашкоджанні і быў шпіталізаваны ў Дзятлаўскую ЦРБ.
Чым закончыцца для пешахода гэтае дарожна-транспартнае здарэнне — яшчэ невядома, а вывад просіцца адзін: калі мы садзімся за руль — не вельмі турбуемся аб бяспецы на дарозе і рухаемся насустрач бядзе.


Дзяржаўтаінспекцыя Дятлаўскага РАУС