Кожны год з 1 па 30 чэрвеня Міністэрства прыродных рэсурсаў і аховы навакольнага асяроддзя сумесна з падраздзяленнямі Дзяржаўтаінспекцыі МУС праводзіць экалагічную аперацыю "Чыстае паветра". Дзякуючы ёй, дасягаецца зніжэнне аб'ёмаў выкідаў забруджваючых рэчываў ад аўтатранспартных сродкаў, якія негатыўна ўплываюць на здароўе людзей і навакольнае асяроддзе. Падчас аперацыі "Чыстае паветра" асаблівая ўвага звяртаецца на работу аўтатранспартных прадпрыемстваў, станцый тэхнічнага абслугоўвання, прадпрыемстваў па рамонту аўтатрактарнай тэхнікі, а таксама на стан прыватных аўтатранспартных сродкаў.
Адпаведна артыкула 15.50 Кодэкса аб адміністрацыйных правапарушэннях вытворчасць, выпуск у эксплуатацыю пасля рамонту, тэхнічнага абслугоўвання або эксплуатацыя транспартных сродкаў, у якіх утрыманне забруджваючых рэчываў у апрацаваных газах, узровень шкодных фізічных уздзеянняў на атмасфернае паветра, узровень шуму пры рабоце перавышаюць устаноўленыя нарматывы, караецца штрафам да 5 базавых велічыняў. Для індывідуальных прадпрымальнікаў ён складае да 50 базавых велічыняў, для юрыдычных асобаў — да 200 базавых велічыняў.
А.ЛЯВОНЧЫК, вядучы спецыяліст раённай інспекцыі прыродных рэсурсаў і аховы навакольнага асяроддзя, газета "Перамога"
|