У адпаведнасці з "Правіламі аховы жыцця людзей на водах Рэспублікі Беларусь", якія зацверджаны Пастановай Савета Міністраў Рэспублікі Беларусь ад 11.12.2009 года №1623, рашэннем Дзятлаўскага раённага выканаўчага камітэта "Аб мерапрыемствах па падрыхтоўцы зонаў адпачынку на вадаёмах раёна да купальнага сезону 2010 года №175 ад 29.04.2010 года, з мэтай забеспячэння бяспекі і прадухілення гібелі людзей на вадаёмах раёна" вызначаны месцы для купання, добраўпарадкавана і ачышчана дно акваторый і пляжаў у наступных месцах масавага адпачынку:
- возера г. Дзятлава (гарадскі пляж); - у г.п. Наваельня, пляж на р. Маўчадка; - пляж санаторыя "Радон' (возера ўрочышча Рыбакі); - у пас. Гезгалы, месца для купання на р. Маўчадка.
На астатніх вадаёмах раёна, якія не абсталяваны згодна "Правілаў аховы жыцця людзей на водах Рэспублікі Беларусь", купацца забаронена.
Парады для тых, хто купаецца: - купайцеся на пляжах і ў спецыяльна адведзеных месцах для адпачынку; пачынайце купацца пры тэмпературы паветра не ніжэй +20 градусаў, а вады +18 градусаў; - не купайцеся адразу пасля прыёму ежы; - калі не ўмееце плаваць, не заходзьце ў ваду вышэй пояса; - пры няўпэўненым плаванні плывіце ўздоўж берага ці ў накірунку да яго; - не дапушчальна ўваходзіць у ваду і купацца ў стане алкагольнага ап'янення; - не заплывайце за буйкі і іншыя знакі, якія вызначаюць межы заплыву; - не ўзбірайцеся на забараняючыя знакі; - нельга скакаць у ваду з лодак, катэраў, прычэпаў, іншых пабудоваў, а таксама ў месцах, дзе невядома глыбіня і рэльеф дна; - небяспечна плаваць на дошках, мяшках, платах, аўта-шынах, надзімных матрацах і іншых прадметах, якія не адносяцца да плаваючых сродкаў; - не арганізоўвайце гульні на вадзе, якія звязаны з ныраннем і захопам тых, хто купаецца; - не дапускайце дзеянняў, якія могуць прывесці да няшчасных выпадкаў; - не падавайце падманных сігналаў трывогі; - не пакідайце дзяцей без нагляду.
За чатыры месяцы 2010 года ў вобласці ўтапіліся 19 чалавек, з якіх адно — дзіця. Асноўная прычына — купанне ў нецвярозым стане. У раёне ўтапіліся 2 чалавекі, абодва ў стане алкагольнага ап'янення.
У. БАРАВІК, старшыня Дзятлаўскай раённай арганізацыі АСВОД.
|