RSS
« 1 ... 12 13 14 (15) 16 17 »
НА ВАРЦЕ АЙЧЫНЫ
Гость прислал в 29.02.2008 14:38:04 ( 2895 прочтений )
Калейдоскоп

22 лютага ў Дзятлаўскім раённым доме культуры адбыўся ўрачысты сход, прымеркаваны да Дня абаронцаў Айчыны і 90-годдзя Узброеных Сіл Рэспублікі Беларусь.
Мерапрыемства распачаў намеснік старшыні райвыканкама П. І. Чырко. У сваёй прамове ён зазначыў, што наша краіна мае слаўныя баявыя традыцыі, якія не забываюцца і ў цяперашні час. З гераічным мінулым асацыіруецца подзвіг салдат у гады Вялікай Айчыннай вайны. Краіна і ў цяпершані час можа ганарыцца сваімі Узброенымі Сіламі, якія надзейна ахоўваюць межы сваёй Айчыны.
Напрыканцы выступлення Пётр Іванавіч павіншаваў са святам ветэранаў Вялікай Айчыннай, ветэранаў Узброеных Сіл, усіх тых, хто служыў і служыць, пажадаў ім моцнага здароўя, жыццёвай стойкасці, аптымізму.
З дакладам перад прысутнымі выступіў ваенны камісар Дзятлаўскага раённага ваеннага камісарыяту В. А. Абухаў. Ён засяродзіў увагу на гісторыі станаўлення Узброеных Сіл Рэспублікі Беларусь. Валянцін Аляксеевіч зазначыў, што ў любы час Узброеныя Сілы з’яўляліся надзейным гарантам міру. Напрыканцы выступлення ваенны камісар павіншаваў усіх са святам, пажадаў моцнага здароўя, бадзёрасці, аптымізму.
Са святам воінаў-інтэрнацыяналістаў, усіх ваеннаслужачых павіншаваў намеснік старшыні раённай арганізацыі грамадскага аб’яднання “Беларускі саюз ветэранаў вайны ў Афганістане” А. В. Драгунскі.
Падчас мерапрыемства былі ўручаны і юбілейныя медалі “90 год Узброеных Сіл Рэспублікі Беларусь”. Імі былі ўзнагароджаны ветэраны Узброеных Сіл Рэспублікі Беларусь: маёр у адстаўцы, ветэран Вялікай Айчыннай вайны Канстанцін Іванавіч Ясючэня, старшы прапаршчык запасу Аляксей Міхайлавіч Бальшой, падпалкоўнік запасу Аліян Іванавіч Вашын, маёр запасу Аляксандр Віктаравіч Волкаў, маёр запасу Віктар Васільевіч Грачоў, маёр у адстаўцы Рыгор Іванавіч Губенка, мічман у адстаўцы Мікалай Мікалаевіч Жэгалік, падпалкоўнік у адстаўцы Адам Феліксавіч Жукоўскі, падпалкоўнік у адстаўцы Феафан Уладзіміравіч Капусцін, старшы прапаршчык запасу Аляксандр Эмануілавіч Каспер, палкоўнік у адстаўцы Рыгор Барысавіч Кельнер, маёр запасу Васіль Мікалаевіч Клімец, старшы прапаршчык у адстаўцы Барыс Уладзіміравіч Лаўнік, маёр запасу Віктар Віктаравіч Нікіпорчык, падпалкоўнік запасу Уладзімір Генадзьевіч Навасельскі, маёр запасу Віктар Мікалаевіч Рабушка, старшы прапаршчык у адстаўцы Уладзімір Васільевіч Сташэнка, капітан у адстаўцы Аляксандр Іванавіч Шуміцкі, а таксама маёр запасу, намеснік старшыні раённай арганізацыі Беларускага саюза афіцэраў Аляксандр Уладзіміравіч Камароў, намеснік старшыні раённай арганізацыі Беларускага саюза ветэранаў вайны ў Афганістане Алег Вячаслававіч Драгунскі.
Да ўрачыстасці быў прымеркаваны і святочны канцэрт, удзел у якім прынялі работнікі Дзятлаўскага раённага дома культуры, навучэнцы школ раёна.
А. ДУБРОЎСКАЯ.

Читать далее
Весткі з Рудаяварскага сельсавета
Гость прислал в 29.02.2008 14:37:50 ( 2168 прочтений )
Калейдоскоп

БУДЗЕ ЗМЕНА ЛЕСНІКАМ
На базе ВПК "Рудаяварскі дзіцячы сад-сярэдняя школа" дзейнічае аб'яднанне "Школьнае лясніцтва", якім кіруе дырэктар навучальнай установы Вадзім Аляксандравіч Палуносік. Ён расказаў, што мэтай дзейнасці аб'яднання з'яўляецца выхаванне любові і беражлівых адносін да лесу, да прыроды роднага краю. Акрамя тэарэтычных, на выдзеленай і замацаванай тэрыторыі ляснога фонду праводзяцца практычныя і выяздныя заняткі. Удзельнікі аб'яднання (а гэта 15 вучняў 8-11 класаў) працуюць па заданнях ДЛГУ "Дзятлаўскі лясгас" і, вядома, Рудаяварскага лясніцтва. Яны падтрымліваюць цесную сувязь з ляснічым Алегам Іванавічам Барысюком і памочнікам ляснічага Паўлам Аркадзьевічам Бузуком. Як паведаміў Вадзім Палуносік, у мінулым годзе школьнікі ўдзельнічалі ў пасадцы рэкорднай колькасці лесу -- каля 50 гектараў, збіралі насенне, а ў зімовы час яны традыцыйна займаюцца падкормкай жывёлаў і птушак. У рамках "Школьнага лясніцтва" у гэтым навучальным годзе праводзяцца і навуковыя доследы па тэме "Матэматычная апрацоўка біяметрычных паказчыкаў сеянцаў хвойных парод". Дарэчы, праграма, складзеная для дзейнасці аб'яднання, атрымала высокую ацэнку з боку ўпраўлення адукацыі Гродзенскага аблвыканкама і была адзначана дыпломам, як пераможца абласнога этапу рэспубліканскага конкурсу вучэбна-выхаваўчых праграм эколага-біялагічнага профілю. Па словах Вадзіма Аляксандравіча, на заняткі дзеці ходзяць з задавальненнем, і многія мараць звязаць свой лёс менавіта з лясной гаспадаркай.
РАСЦЕ ТРУСІНАЯ СЯМ'Я
У студзені на трусаферме СВК "Рудаяварскі" прыплод склаў 320 галоў. Усяго ж па стану на 1 лютага тут "кватаруюць" 848 пушыстых звяркоў, з іх -- 96 трусаматак. Лічбы гэтыя пастаянна мяняюцца, паколькі трусоў рэалізуюць жывой і забойнай вагой (цана -- адпаведна 15000 і 19800 за кілаграм). Утрымліваюцца яны ў двух памяшканнях (шопах), якія ўжо запоўнены, таму ў бліжэйшых планах гаспадаркі -- будаўніцтва трэцяй шопы.
Неабходна таксама зазначыць, што жывёлу даглядаюць два чалавекі: галоўны ветурач СВК "Рудаяварскі" Яўгенія Мікалаеўна Урбановіч і Алена Іванаўна Сербін.
ЯК ЗІМУЮЦЬ ФЕРМЫ?
Па словах галоўнага эканаміста мясцовага сельгаскааператыву Кацярыны Аляксандраўны Бароўскай, на перыяд зімова-стойлавага ўтрымання жывёлы створаны надзейны запас кармоў на абедзвюх фермах гаспадаркі -- у Рудзе Яварскай і Гуце. На малочнатаварнай ферме "Руда Яварская" за зімова-стойлавы перыяд 2007-2008 гадоў валавы надой малака склаў 113 тон (у параўнанні з аналагічным перыядам мінулага года -- +8 тон), надой на карову -- 549 кілаграмаў (+20 кілаграмаў). Лепшымі аператарамі машыннага даення гэтай фермы з'яўляюцца Леакадзія Іосіфаўна Рэгіневіч, якая з пачатку зімоўкі надаіла 525 кілаграмаў малака (+29 кілаграмаў на фуражную карову ў параўнанні з мінулагоднім перыядам), Валянціна Міхайлаўна Бароўская, якая надаіла 518 кілаграмаў (+23 кілаграмы).
ДЭМАГРАФІЧНЫ "МІНУС"
Як расказала сакратар Рудаяварскага сельсавета Марыя Феліксаўна Белавус, у мінулым годзе памерлі 24 чалавекі, а нарадзіліся толькі 6 -- 2 хлопчыкі і 4 дзяўчынкі. У першым месяцы 2008-га выдадзена адно пасведчанне аб смерці.
СПАГАДЛІВАЯ І ПРАЦАВІТАЯ
Згодна ацэнкі кіраўніцтва сельсавета, лепшым сацыяльным работнікам з'яўляецца Таццяна Міхайлаўна Ступчык. Жанчына даглядае 9 пажылых людзей з Гуты і Капцёў. Яны вельмі ўдзячны Таццяне Міхайлаўне і характарызуюць яе як спагадлівага, добрага чалавека і працавітага, акуратнага работніка. Усяго ў сельсавеце працуюць пяць сацыяльных работнікаў, якія абслугоўваюць 28 чалавек.
А. НІЧЫПАР.

Читать далее
ТУТ ВЫ МОЖАЦЕ АТРЫМАЦЬ ДАПАМОГУ
Гость прислал в 29.02.2008 14:37:23 ( 2287 прочтений )
Калейдоскоп

Кожную пятніцу з 11 да 12 гадзін у аддзяленні сацыяльнай адаптацыі і рэабілітацыі цэнтра сацыяльнага абслугоўвання насельніцтва Дзятлаўскага раёна праводзяцца “Прамыя лініі”. Звяртацца можна з наступнымі пытаннямі: аказанне сацыяльна-бытавой дапамогі дзецям-сіротам, дзецям, якія засталіся без апекі бацькоў, садзеянне ў рэалізацыі гарантый па іх сацыяльнай абароне адпаведна заканадаўства Рэспублікі Беларусь; садзеянне грамадзянам, якія трапілі ў складаную жыццёвую сітуацыю, у аднаўленні дакументаў, прафарыентацыі; аказанне псіхалагічнай дапамогі насельніцтву; аказанне дапамогі ў пераадоленні міжасабовых і сямейных канфліктаў; арганізацыя клубаў зносін, садзеянне дзейнасці груп самадапамогі і ўзаемнай падтрымкі.
“Прамыя лініі” праводзяцца з удзелам спецыялістаў цэнтра А. Ф. Васкель, загадчыцы аддзялення сацыяльнай дапамогі і рэабілітацыі; І. А. Жыбко, спецыяліста па сацыяльнай рабоце аддзялення сацыяльнай адаптацыі і рэабілітацыі; І. А. Баравік, псіхолага аддзялення сацыяльнай адаптацыі і рэабілітацыі.
Аддзяленне сацыяльнай адаптацыі і рэабілітацыі створана з мэтай аказання дапамогі грамадзянам, якія знаходзяцца ў складанай жыццёвай сітуацыі, у тым ліку, калі яны падвергліся фізічнаму насіллю, сталі ахвярамі гандлю людзьмі, пацярпелі ад злачыннай дзейнасці, асобам з ліку дзяцей-сірот і дзяцей, якія засталіся без апекі бацькоў, тым, хто вызваліўся з месцаў пазбаўлення волі.
Па дапамогу грамадзяне могуць звяртацца па нумары 27-1-53. Аддзяленне знаходзіцца па адрасу: г. Дзятлава, вуліца Кастрычніцкая,56, 2-гі паверх, кабінет №1.
А. ВАСКЕЛЬ,
загадчыца аддзялення сацыяльнай адаптацыі і рэабілітацыі.

Читать далее
ДОБРАЯ СПРАВА - АГУЛЬНЫМІ НАМАГАННЯМІ
Marshall прислал в 30.01.2008 22:40:00 ( 2213 прочтений )

Могілкі ў Малых Шастаках Войневіцкага сельсавета знаходзяцца ў межах вёскі, а, значыць, пастаянна навідавоку ў мясцовых жыхароў. З цягам часу драўляны плот, які іх агароджваў, месцамі прадзіравіўся, месцамі згніў - карацей кажучы, перастаў адпавядаць свайму прызначэнню. З гэтым трэба было нешта рабіць, і яшчэ ў 2006 годзе кіраўніцтва Войневіцкага сельскага выканаўчага камітэта арганізавала сход жыхароў вёскі. Было прынята рашэнне паставіць на могілках больш даўгавечную агароджу, а таксама добраўпарадкаваць іх тэрыторыю. Акрамя гэтага, стварылі і аргкамітэт у складзе старасты Малых Шастакоў Таісы Уладзіміраўны Жук і мясцовых жыхароў - Анатоля Аляксандравіча Бузука і Сяргея Генрыхавіча Яфіміка. І работа закіпела. Пачалі з таго, што наладзілі збор грошай з насельніцтва вёскі, і на атрыманую суму купілі металічную сетку. За кошт свабодных рэшткаў грашовых сродкаў сельсавета былі таксама набыты і металічныя слупкі: як расказаў старшыня Войневіцкага сельсавета Георгій Арсенцьевіч Белуш, адпаведны дазвол даў старшыня Дзятлаўскага райвыканкама Васіль Васільевіч Грытчанка.
Работы на малашастакоўскіх могілках былі завершаны ў мінулым годзе. Сёння іх не пазнаць. Акрамя новай агароджы, якую ўстанавілі на месцы вечнага супакою, шмат вяскоўцы папрацавалі і на яго тэрыторыі. Могілкі ачысцілі ад кустоўя, былі спілены старыя дрэвы, якія высахлі і ўяўлялі небяспеку для помнікаў. У спілоўванні дрэваў вялікую дапамогу аказаў начальнік раённых электрычных сетак Аляксандр Мікалаевіч Лазука - вяскоўцы вельмі яму ўдзячны. Свой уклад у агульную справу ўнесла і кіраўніцтва СВК "Войневічы" (старшыня гаспадаркі Васіль Валяр'янавіч Маліка), якое накіравала тэхніку для вывазкі смецця з могілак.
Дарэчы будзе таксама ўзгадаць, што вяскоўцы набылі фарбу і паспелі да надыходу халадоў з боку вуліцы пафарбаваць агароджу. Гэтую работу ў Малых Шастаках плануюць закончыць увесну.
А. НІЧЫПАР.

Читать далее
ЗІМОВЫ ПРЫЗЫЎ-2008
Marshall прислал в 30.01.2008 22:30:00 ( 3263 прочтений )

З кастрычніка 2007 года ў нашай краіне пачалася зімовая прызыўная кампанія на тэрміновую ваенную службу. Завершана яна будзе 21 студзеня 2008 года. Пра яе асаблівасці карэспандэнтка гутарыць з ваенным камісарам Дзятлаўскага раённага ваеннага камісарыяту В. А. Абухавым.

Читать далее
Алімпіяда-2008
Marshall прислал в 30.01.2008 22:30:00 ( 2904 прочтений )

Стала добрай традыцыяй кожны студзень падводзіць вынікі ўдзелу школьнікаў раёна ў абласных прадметных алімпіядах. Пра поспехі вучняў карэспандэнтка гутарыла з Людмілай Васільеўнай Саванец, галоўным спецыялістам аддзела адукацыі райвыканкама.

Читать далее
СЕМІНАР-ВУЧОБА ДЛЯ ПРАДПРЫМАЛЬНІКАЎ І ЮРЫДЫЧНЫХ АСОБАЎ ПРЫВАТНАЙ ФОРМЫ ЎЛАСНАСЦІ
Marshall прислал в 30.01.2008 22:30:00 ( 1459 прочтений )

Дзятлаўскі раённы выканаўчы камітэт паведамляе, што 11 лютага 2008 года ў 15.00 у зале пасяджэнняў упраўлення сельскай гаспадаркі (г. Дзятлава, вул. Чырвонаармейская, 3, 2-гі паверх) адбудзецца семінар-вучоба для індывідуальных прадпрымальнікаў і юрыдычных асобаў прыватнай формы ўласнасці
У семінары прымуць удзел прадстаўнікі райвыканкама, падаткавай інспекцыі, Фонду сацыяльнай абароны насельніцтва, санітарнай службы, органаў статыстыкі, прадстаўнікі аптовых баз вобласці па заключэнню дагавораў на пастаўку тавараў айчыннай вытворчасці.
Яўка ўсіх прадпрымальнікаў, якія займаюцца рознічным гандлем, абавязковая.

Читать далее
СТВОРАНА ЛАКАЛЬНАЯ КАМП'ЮТЭРНАЯ СЕТКА
Marshall прислал в 30.01.2008 22:30:00 ( 1625 прочтений )

Напрыканцы мінулага года на сродкі з рэспубліканскага бюджэту была праведзена грунтоўная камп'ютэрызацыя сельскагаспадарчай галіны Дзятлаўшчыны. У раён паступілі 19 сучасных камп'ютэраў з вадкакрышталічнымі маніторамі, з якіх 12 накіравалі ў гаспадаркі, а астатнія 7 атрымала райсельгасупраўленне. Як расказала Ірына Іванаўна Варабей, спецыяліст па аператыўнаму аналізу і ўліку раённага ўпраўлення сельскай гаспадаркі і харчавання, у кожным з 12 сельгаскааператываў камп'ютэры ў камплекце з мадэмам устаноўлены ў дыспетчарскіх і ўжо створаны інфармацыйна-дыспетчарскія пункты. Працоўныя месцы дыспетчараў падключаны да электроннага паштовага сервера райсельгасупраўлення і, такім чынам, наладжана аператыўная сувязь з гаспадаркамі раёна. У камп'ютэрах устаноўлена праграма дыспетчарскай справаздачнасці, якая пэўны час не выкарыстоўвалася ў сельгаскааператывах. Справа ў тым, што кожнаму з дыспетчараў для засваення праграмы неабходна было прайсці навучанне, і такую магчымасць ім далі. Увесь мінулы тыдзень яны знаходзіліся ў Гродне на курсах павышэння кваліфікацыі па тэме "Практычнае выкарыстанне персанальных электонна-вылічальных машын". Пасля гэтага, па словах Ірыны Варабей, дыспетчарская справаздачнасць будзе прымацца па электроннай пошце. Дарэчы, падобная электронная сувязь з абласным камітэтам па сельскай гаспадарцы і харчаванню ў райсельгасупраўлення наладжана яшчэ ў мінулым годзе.
А. НІЧЫПАР.

Читать далее
КНІГА СЛАВЫ ДЗЯТЛАЎСКАГА РАЁНА
Marshall прислал в 30.01.2008 22:20:00 ( 1505 прочтений )

Раённы выканаўчы камітэт у мэтах захавання гістарычнай памяці пра знакамітых жыхароў Дзятлаўшчыны прыняў рашэнне зацвердзіць Кнігу Славы Дзятлаўскага раёна. Аддзелу ідэалагічнай работы райвыканкама даручана распрацаваць эскізы Кнігі Славы і пасведчання, якое будзе пацвярджаць факт занясення запісу ў названае выданне.

Читать далее
ПАДОЎЖАНЫ ТЭРМІНЫ РЭГІСТРАЦЫІ ЎНІТАРНЫХ ПРАДПРЫЕМСТВАЎ
Marshall прислал в 30.01.2008 22:20:00 ( 2366 прочтений )

З 1 студзеня 2008 года ўступіў у сілу Указ № 685 ад 29.12.2007 года “Аб дадатковых умовах ажыццяўлення прадпрымальніцкай дзейнасці”, якім унесены змены і дапаўненні ў Палажэнне аб парадку стварэння індывідуальнымі прадпрымальнікамі прыватнага ўнітарнага прадпрыемства і яго дзейнасці. Яны тычацца тэрмінаў рэгістрацыі і пераліку падаваемых у рэгіструючы орган дакументаў для дзяржаўнай рэгістрацыі ўнітарнага прадпрыемства.

Читать далее
« 1 ... 12 13 14 (15) 16 17 »
Афиша

С течением времени меняются идеалы красоты, предпочтения в формах, особенностях стр ...

Автор Errora в 20.06.2018  |   |  Комментариев: 0 

Афиша

Оборудование заведения общепита – сложное дело, требующее особого планирования и у ...

Автор Errora в 20.03.2017  |   |  Комментариев: 0 

Афиша

Многих мыслителей современности удивляет факт резкого увеличения народонаселения ...

Автор Errora в 14.09.2016  |   |  Комментариев: 0 

    

Вход пользователей

Пользователь:

Пароль:

Запомнить меня



Востановить пароль

Зарегистрироваться

Говоря о маркетинге, невозможно не отметить столь важную тему, каковой является маркетинговое  ...

  |   |

Жидкие грузы по воде транспортируются специальными судами - танкерами. Ис ...

  |   |

Наша компания «ВиброПромСнаб» предлагает приобрести в Мин ...

  |   |

    

Кто online

6 пользователь(ей) активно (2 пользователь(ей) просматривают Новости)

Участников: 0
Гостей: 6

далее...