У ВЕНЗАЎЦЫ З'ЯВІЦЦА КАФЭ
Дата 24.09.2007 13:00:00 | Раздел: Калейдоскоп
|  Адзін са старэйшых населеных пунктаў Дзятлаўшчыны - вёску Вензавец - у гэтым годзе чакае пераўтварэнне ў аграгарадок. Згодна генеральнага плана, прадугледжваўся рамонт дзеючых і будаўніцтва новых аб'ектаў сацыяльнай сферы, мадэрнізацыя і рамонт аб'ектаў вытворчай сферы і інжынерна-транспартнай інфраструктуры. Што паспелі зрабіць і якія работы наперадзе - на гэтыя пытанні шукаў адказы карэспандэнт у Вензаўцы.
У вёсцы выкананы вялікі аб'ём дарожных работ. Заасфальтаваны шэсць з васьмі вензавецкіх вуліцаў (Новая, Цэнтральная, Школьная, Зялёная) і завулкаў (Кашколаўскі, Нагорніцкі). Праведзены капітальны рамонт тэрыторыі зернесушыльнага комплексу і пакрыцця мехмайстэрняў, заасфальтаваны пад'езды да могілак, МТФ "Вензавец", цялятніка, мехмайстэрняў, царквы, а побач з ёю — і аўтастаянка. Як паведаміў старшыня Вензавецкага сельсавета Сяргей Андрэевіч Шэцік, сёлета ў вёсцы павінна стаць на 10 кватэраў больш: было запланавана будаўніцтва васьмікватэрнага жылога дома і двух аднакватэрных (адзін ужо здадзены). Большую частку жылля збіраюцца здаць у эксплуатацыю ў кастрычніку. Дарэчы, у Вензаўцы імкнуцца разгортваць будаўнічыя работы на месцах згарэўшых ці разбураных дамоў. На будучы год ужо падрыхтаваны дзве пляцоўкі для ўзвядзення жылля. Акрамя гэтага, вядуцца работы па афарбоўцы 10 двухпавярховых катэджаў і аднаго двухпавярховага шасцікватэрнага дома. Заказчыкам выступіў СВК "Вензавец", якому належыць большая палова гэтага жылля, а падрадчыкам - фірма з Баранавічаў.
Значныя сродкі былі накіраваны на капітальны рамонт мясцовай сярэдняй школы. Як расказала дырэктар навучальнай установы Ганна Іванаўна Франюк, работы вяліся паўтара месяца, і ўдзельнічалі ў іх не толькі спецыялісты-прафесіяналы, а і ўсе настаўнікі і старшакласнікі. Іх сіламі да 1 верасня паспелі выканаць асноўны фронт работ. У прыватнасці, быў праведзены рамонт калідораў і 11 кабінетаў, заменена плітка ў фае. Па словах дырэктара школы, у бліжэйшы час адрамантуюць сталовую, актавую і спартыўную залы.
Неўзабаве ў Вензаўцы будзе адчынена кафэ. Яно з'явіцца ў памяшканні магазіна, а ён перабярэцца ў другую палову будынка, якая пуставала. Работы плануюць завяршыць ужо ў гэтым месяцы.
Адрамантаваны будынак ФАПа, касметычна падноўлена лазня. Будзе праведзена рэканструкцыя воданапорнай вежы. Закуплена 720 метраў трубаў, і пасля завяршэння работ вадой будуць забяспечаны сталовая і 23 прыватныя дамы.
Як расказаў Сяргей Шэцік, некалькі мясцовых устаноў змянілі прапіску. Дзіцячы сад пераехаў у школу, якая цяпер будзе называцца школай-садам. А ў былым яго будынку размесцяцца філіял Дзятлаўскай музычнай школы і комплексна-прыёмны пункт райкамбіната.
А. НІЧЫПАР
© По материалам газеты "Перамога"
___________________________________________________________
 На кануне свадьбы одной из важнейших задач жениха становится покупка обручального кольца. Важно чтобы оба кольца были куплены в одном и том же месте.
|
|