Новости Дятлово

Кожнаму вядома сітуацыя, калі зазірнуў у праграму тэлеперадач і расчараваўся, бо любімы фільм або цікавы для вас футбольны матч будзе трансліравацца ў той час, калі вы на працы. I ў такі момант з'яўляецца мара пра чарадзейны пульт, які б спыніў трансляцыю, каб паглядзець матч або фільм, калі будзе зручна. Зразумела, можна сказаць, што "марыць - не шкодна". Але справа ўтым, што мары здзяйсняюцца. Кампанія "Белтэлекам" падрыхтавала сапраўдны падарунак - інтэрактыўнае тэлебачанне (IРТV), якое з'яўляецца найбольш складаным і цікавым з усіх новых відаў вяшчання. Інтэрактыўнае тэлебачанне дае тэлегледачу неверагодныя магчымасці. Аб гэтым падрабязней расказаў інжынер па ІРТV Дзятлаўскага раённага вузла электрасувязі Вадзім Мікалаевіч Жадзейка.

- Вадзім Мікалаевіч, што такое інтэрактыўнае тэлебачанне?
- Гэта новае пакаленне тэлебачання, якое дазваляе кіраваць паказам на экране тэлевізара. А гэта азначае, што ўсе мы становімся стваральнікамі тэлебачання на свой густ. Самая распаўсюджаная памылка, што ІРТУ - гэта інтэрнэт-тэлебачанне. Але гэта нетак. ІРТУ-гэта дастаўка відэасігналу па ІР пратаколу абаненту па звычайнай тэлефоннай лініі праз спецыяльнае ўстройства.
- Для таго, каб карыстацца паслугай, неабходны тэлевізар з якімі-небудзь пэўнымі параметрамі?
- Тып тэлепрыёмніка можа быць розны: як звычайны тэлевізар айчыннай вытворчасці, так і вадкакрышталічны або плазменная панэль.
- Многія карыстаюцца паслугамі кабельнага або спадарожнікавага тэлебачання. Якія перавагі атрымлівае абанент, калі выкарыстоўвае інтэрактыўнае тэлебачанне?
- Магчымасці новага тэлебачання дазваляюць мадэляваць уласны эфір, не прывязваючыся да раскладу тэлеперадач эфірнага тэлебачання. Сярод інтэрактыўных сэрвісаў кожнаму абаненту даступныя "Тэлевяшчанне па запыце" які дазваляе зрушвацца па сетцы вяшчання да 48 гадзін назад, і абанент мае магчымасць паглядзець фільм або праграму, якія ішлі, калі ён быў заняты; "Тэлевяшчанне са зрухам у часе", які прадастаўляе магчымасць глядзець праграмы і фільмы, якія прайшлі раней, проста перамотваючы эфіртэлеканала на некалькі дзесяткаўхвілін назад; а таксама функцыя "Бацькоўскі кантроль", якая дазваляе размяжоўваць тэлеперадачы для дзяцей і дарослых. Акрамя таго, абаненты могуць карыстацца адначасовым праглядам каналаў ІРТV і каналаў кабельнага тэлебачання, а таксама, электроннай версіяй раскладу тэлеперадач.
- Вадзім Мікалаевіч, якую колькасць каналаў вы прапаноўваеце абанентам?
- Пакет інтэрактыўнага тэлебачання складаецца з 28 каналаў рознай накіраванасці. Сярод іх прадстаўлены спартыўныя, інфармацыйныя, музычныя і кінаканалы. 3 часам пакет інтэрактыўнага тэлебачання будзе пашырацца.
- Што неабходна абаненту для падклю-чэння паслугі?
- Неабходна быць абанентам "Белтэлекам" і мець дома звычайную тэлефонную разетку. Сігнал інтэрактыўнага тэлебачання ІРТV дастаўляецца па тэлефонных правадах і паступае на тэлевізійны экран праз спліцэр, ADSL─мадэм і прыстаўку Set Тор Вох (прадастаўляецца бяс-платна). Адначасова з інтэрактыўным тэлебачаннем кліенты могуць карыстацца і дамашнім тэлефонам, і высокахуткасным доступам у Інтэрнэт. Усе, хто жадае больш падрабязна даведацца пра інтэрактыўнае тэлебачанне, звяртайцеся па тэлефонах 22-6-93, 21-3-50. У будынку "Белтэлекам" на 1-ым паверсе (тэлеграф) праводзіцца дэманстрацыя інтэрактыўнага тэлебачання.


Iрына БРАНКОЎСКАЯ, Газета "Перамога" №85-2008